Æрвыл аз дæр ног ахуыры азмæ йæхи рагацау бацæттæ кæны Тарскæйы фыццæгæм астæуккаг скъола (директор – Джусойты Павел). Афтæ та у ныр дæр.

Скъолайы педколлектив, техникон кусджытæ, ныридæгæн цалцæг фесты къæбинеттæ, иннæ кълæстæ, тыргътæ, асинтæ: сахуырстой сæ, æмæ аив рафидыдтой, зæрдæ рухс кæны сæ бакастæй, сты райдзаст. Ам ма бакуыстой скъоламæ бахизæн кæрт æмæ алфамбылай бафснайыныл, срæсугъд йæ кодтой, базылдысты дидинæгдонмæ.

Ацы ахуырадон уагдоны спортзалы астæрды иу хайы фæйнæджытæ базæронд сты, кæлæддзаг æмæ дзы 60 квадратон метры ногтæй ивынц районы администрацийы арæзтадон, архитектурæйы æмæ цæрæнуатон-коммуналон хæдзарады аразджытæ администрацийы æхцайы фæрæзтæй.

- Не скъола 2017-2018 ахуыры азмæ йæ дуæрттæ уæрæхæй байгом кæндзæн ахуыргæнинæгтæн, бацæудзысты хæрзцалцæг кълæстæм æмæ нæ сæйраг куыст уыдзæн семæ ахуыр – хъомылады фарстатыл, - зæгъы директор Джусойы-фырт.

Гасситы Моисей.