Райсом ирон адæм бæрæг кæндзысты нæ сæйрагдæр æмæ кадджындæр бæрæгбæттæй сæ иу - Хетæджы Уастырджийы бон! Æмæ уын уый фæдыл зæрдиаг арфæ кæнын!

Сабырдзинад, æнæниздзинад, бинонты амонд æмæ фарн – ууыл уыдзысты Хетæджы Уастырджимæ куывдтытæ. Нæлгоймæгты æмæ бæлццæтты бардуагыл фæдзæхсдзыстæм, абон Украинæйы сæрмагонд æфсæддон операцийы тохы быдыры цы сахъ лæппутæ ис, уыдоны. Фыдбылызæй сæ хъахъхъæнæд, æмæ тагъд рæстæджы уæлахизимæ сæ хæдзæрттæм сыздæхæнт!

Зынаргъ хæлæрттæ! Уæ зæрдиаг куывдтытæ æмæ арфæтæ Хетæджы Уастырджимæ хъуысæнт! Кæрæдзийы æмбаргæйæ, кæрæдзийæн аргъ кæнгæйæ, сабырæй куыд цæрæм, ахæм амонд нæ уæд!

Уæ алкæй бинонтæн дæр мæ зæрдæ зæгъы æнæниздзинад æмæ амонд!

Нæ хæдзæрттæ æмæ нæ уарзон Ирыстон фæрнæйдзаг уæнт!

Бæрæгбоны хорзæх уæ уæд уе 'ппæты дæр!

 

ГАГЛОЙТЫ Алан,

Горæтгæрон районы сæргълæууæг.