Кæронмæ фæхæццæ кæнынц
Нæ газет куыд фыста, афтæмæй фæндæгтæ нæ районы цалдæр раны асфальтæй æмбæрзынц. Уыдоны нымæцы сты Ирыхъæуы Терешковæйы æмæ Дæллаг Комгæроны Хетæгкаты Къостайы номыл уынгты фæндæгтæ.
Дыууæйыл дæр, ног асфальт скæныны агъоммæ, райдыдтой цæттæгæнæн куыстытæ: Терешковæйы номыл уынджы зæронд асфальт скалдтой, Къостайы номыл уынджы та фæндаг ныллæгъз кодтой, лыстæг хуыр ыл ныккалдтой æмæ уый дæр слæгъз кодтой.
Терешковæйы номыл уынг асфальтæй æмбæрзы Æнæххæст бæрнондзинады æхсæнад (ООО) "ДРСУ-З" (къамы). Аразы йæ нæ республикæйы бюджеты субсидитæй.
Ацы уынджы æрдзон газ иу ран схъардта зæххы бынæй, æмæ йæ газы хæдзарады кусджытæ скъахтой. Ацы бынат дæр асфальтгонд æрцæудзæн фæстмдæр, йæ сыджыт куы ныббада, уæд.
Дæллаг Комгæроны Хетæджы-фырты номыл уынджы фæндаг та асфальт кæныны подрядон у Æнæххæст бæрнондзинады æхсæнад (ООО) "Дельтосервис". Уый дæр арæзт цæуы республикæйы бюджеты субсидиты æхцайы фæрæзтæй.
Дыууæ уынджы фæндæгты цалцæггæнæн куыстытæ кæронмæ фæхæццæ кæнынц.
ГАССИТЫ Моисей.
Авторы ист къам.