Ног ахуыры азыл ифтонгæй æмбæлы Камбилеевкæйы хъæуы дыккæгæм скъола дæр - кæронмæ фæци косметикон цалцæг. Ам дæр уыд скъоладзауты сæрдыгон улæфæн лагерь дыууæ радæй, æмæ куыддæр  фесты улæфт, афтæ скъолайы ахуыргæнджытæ, техникон кусджытæ, ныййарджытæ райдыдтой цалцæггæнæн куыстытæ æмæ сæ ахицæн кодтой.

Сахуырстой астæрдтæ, тыргътæ, асинтæ, бацæуæнтæ. Районы администраци сын ахорæнтæ, кусæн мигæнæнтæ самал кæнынæн сæ бюджетмæ ахыгъта 30 мин сомы.

Ацы скъолайы фаг кæнынц ахуыргæнджытæ. Сты 17 æмæ сæ зонындзинæдтæ ног ахуыры аз нæ хæлæг кæндзысты 107 скъоладзауæн. Ӕввахс рæстæг ахуыргæнинæгтæн байуардзысты чингуытæ дæр. Скъолайы директор Хъæцмæзты Оксанæ зæгъы:

- Куыд æрвылаз, афтæ та ныр дæр рæстæгыл ахицæн кодтам косметикон цалцæггæнæн куыстытæ æмæ уадиссаг ницæуыл тыхсæм. Скъола рафидыдта æдде, мидæгæй. Зындзинад нын æвзæрын кодта уый, æмæ нæ хъармгæнæнтæй иу кæй басыгъд. Райадминистрацийы ахуырады управлени нын 250 мин сомæй самал кодта ног хъармгæнæн, æмæ нын æй рæхджы сæвæрдзæн нæ районы коммуналон хæдзарад.

Ӕрбалæууы ног ахуыры аз, æмæ алы ахуыргæнæгæн, алы скъоладзауæн дæр æнтыстыты аз фæуæд ахуыр-хъомыладон куысты.

ГАССИТЫ Моисей.

Печать