Цымыдисон мадзал
Ирыхъæуы иумæйагахуырадон астæуккаг скъола банысан кодта Фыдыбæстæйы хъахъхъæнæджы бон. Архайдтой дзы 1–11-æм кълæсты ахуырдзаутæ се 'ппæт дæр сæ къласгæстæ æмæ ахуыргæнджытимæ.
Скъолайы директоры хæдивæг хъомыладон куысты фæдыл Тыджыты Тамарæ нын куыд радзырдта, афтæмæй ахуыргæнинæгтæ дзырдтой хæстон, æфсæддон æмдзæвгæтæ, фылдæр æххæст кодтой зарджытæ, æмæ мадзал рауад концерты хуызæн. Сæ рухс нæмттæ ссардтой, Украинæйы хæсты чи фæмард, уыцы æдзард лæппутæн.
Бæрæгбонон мадзалы тынгдæр фесгуыхтысты 2–3-æм кълæсты ахуыргæнинæгтæ.
ГАССИТЫ Моисей