22 апрелы 154 азы сæххæст Уæрæсейы компарти æмæ советон паддзахады бындурæвæрæг Владимир Ленины (Ульяновы) райгуырдыл (1870–1924). Уый ирд фæд ныууагъта дунейы историйы, рæстаг адæм ын абон дæр аргъ æмæ кад кæнынц. Бирæ хæрзты бацыд Ирыстонæн дæр.

Ленины гуырæн боны цытæн мадзæлттæ ацыд Горæтгæрон районы дæр.

Районы компартийы хайады актив Комгæроны хъæуы иумæйагахуырадон астæуккаг скъолайы ногдзаутимæ сарæзтой зиуы сабатбон. Владимир Ленины фыццаг зиуы боны арæзтыл та сæххæст 105 азы. Архайдта дзы уæд йæхæдæг дæр.

Районы коммунисттæ бацыдысты Октябрыхъæуы центры Ленины цыртдзæвæнмæ æмæ йыл сæвæрдтой дидинджытæ (къамы). Стыр революционер, теоретик, большевикты партийы фæтæг, 1917 азы советон хицауад саразæг æмæ йæ разамонæджы стыр хъуыддæгты тыххæй радзырдтой Горæтгæрон районы коммунисттæ Зæгъойты Зауыр, Болататы Феликс, Багаты Арсен, Засеты Заирæ, Сланты Константин æмæ æндæртæ. Ахæм мадзал ма компартийы минæвæрттæ сарæзтой Камбилеевкæйы хъæуы Ленины цыртдзæвæны раз дæр.

ГАССИТЫ Моисей

Печать E-mail