Ног ифтонггæрзтæ, аппаратурæ
Нæ районы администрацийы Культурæйы управленийæ нæм куыд фехъусын кодтой, афтæмæй Культурæйы галуан æмæ Октябрыхъæуы сывæллæтты музыкалон скъола ацы азы райдианæй абонмæ райстой алыхуызон хъæугæ ифтонггæрзтæ.
Цæгат Ирыстоны культурæйы министрад Культурæйы галуанæн 702 мины 899 сомы аргъ радта аппаратурæ – иууыл иумæ 20 хуызы. Уыдоны нымæцы ис дала-фæндыр, электро-акустикон гитарæ, микрофонтæ, любзиктæ, коммуникацитæ, тынон ифтонггæрзтæ.
Сывæллæтты музыкалон скъола та национ проект "Культурæ"-мæ гæсгæ райста 5 милуан 709 мин 545 сомы аргъ аппаратурæ æмæ ифтонггæрзтæ, литературæ æдæппæт 9 хуызы, сæ фылдæр сты сольфеджиотæ, стæй ма æххуысгæнæг ахуыргæнæн чингуытæ, фæсарæйнаг бæстæты музыкалон литературæ æмæ афтæ дарддæр.
Ацы аппаратурæ, æндæр ифтонггæрзтæ, литературæ хуыздæр ахъаз фæуыдзысты дыууæ культурон артдзæстæн сæ дарддæры куысты.
ГАССИТЫ Моисей