15-18 сентябрмæ Сочийы Лазаревскы хъæуы цыдис 23 Адæмæхсæнадон Аивады Олимпиадæ.

Уыцы мадзалы Горæтгæрон районæй йæ арæхстдзинад, курдиат æвдыста Сунжæйы хъæуы культурæйы Хæдзары кæфтыты адæмон ансамбль "Аивад" (разамонæг ЦИР – Аланийы культурæйы сгуыхт кусæг Гæджиты Алан) æмæ гуымсытæй цæгъджыты ансамбль "Барс" (разамонæг Засеты Леван).

Уыдон конкурсмæ рахастой адæмон кафт "Симд", "Фæндыртимæ кафт" æмæ "Кавказы ритмтæ". Жюрийы уæнгтæ сын скодтой стыр аргъ – радтой сын фыццаг бынæттæ.

Нæ лæппутæ æмæ чызджытæ равдыстой цæхæркалгæ курдиат, æмæ сæхицæн кад скодтой Сочи æмæ Лазаревскы цæрджыты æмæ аивад уарзджыты 'хсæн. Сæхæдæг разыйæ баззадысты фысымты рæдаудзинадæй, сæ зæрдæты хорз æнкъарæнтæ рахæсгæйæ.

Стыр бузныг зæгъæм: сывæллæтты ныййарджытæн, ацы балц кæй фæрцы рауад; ÆБÆ "Деликаты" директор Засеты Аланæн, РКГ-ы директор Мæхъиты Хадизæтæн, Сунжæйы хъæуы администрацийы сæргълæууæг Багаты Маратæн, бынæттон астæуккаг скъолайы директор Бестауты Иринæйæн фæндагмæ нын æхцайы фæрæзтæй кæй фæкастысты, уый фæдыл.

ХЪÆЦМÆЗТЫ Маринæ,

Сунжæйы культурæйы

Хæдзары директор

Печать