Советон дуджы чи райгуырд æмæ байрæзт, уыдонæн октябронтæ, ногдзаутæ æмæ фæскомцæдис уыдысты сæ уарзондæр организацитæ. Æхсызгонæй йæм цыдысты, абон дæр ма сæ æрымысынц. Бæрæгбонау-иу уыд, æвзонг фæлтæр-иу ногдзауты, фæскомцæдисы рæнхъытæм куы цыдысты, уæд.

1922 азы 19-æм майы Советон Цæдисы сырæзт ногдзауты организаци. Фæрнæйдзаг фæндæгтыл рацыд. Æрвылаз Советты бæстæ цытджынæй нысан кодта ацы бæрæгбон.
Ныр дæр Уæрæсейы бирæ рæтты ис ногдзауты организацитæ. Æрвылаз дæр 19-æм майы скъоладзаутæй бирæты цытджын æгъдауæй райсынц ногдзауты рæнхъытæм.
Ногдзауты сырæзтыл ныр 95 азы кæй сæххæст, уый цытæн æй нæ район дæр уæрæхдæрæй сбæрæг кодта.
Районы коммунисттæ - кæддæры ногдзаутæ æрбацыдысты Октябрыхъæуы Культурæйы галуанмæ æмæ ам, Фыдыбæстæ хъахъхъæнæджы музейы, скъоладзауты райстой ногдзауты рæнхъытæм.
Октябрыхъæуы 1-æм астæуккаг скъолайы 26 ахуыргæнинагæн арфæ ракодтой коммунисттæ Ходы Ёхсар, Биазырты Хъауырбег, Биазырты Фатимæ æмæ æндæртæ. Уый фæстæ сын кæддæры ногдзаутæ-ветерантæ сæ хъуыртыл бабастой сырх галстуктæ æмæ сын радтой зæрдылдарæн лæвæрттæ.
Уыцы бон ма музейы цытджын æгъдауæй 7 адæймаджы райстой Уæрæсейы коммунистты рæнхъытæм.

ГАССИТЫ Моисей.
Авторы ист къам.

Печать