Ног азы – ног хæстæ
Горæт Дзæуджыхъæуы уыдис Æппæтдунеон æхсæнадон змæлд "Аланты Ныхас"-ы Координацион советы 2-аг æрбадт. Амыдта йæ советы сæрдар Фриты Хъазбег.
Ныхасы уæнгтæ æруынаффæ кодтой организацион фарстытыл. Сфидар кодтой президиум. Координацион советы сæрдары фыццаг хæдивæгæй æвзæрст æрцыд Зæгъойты Вячеслав, хæдивджытæй – Тыбылты Леонид, Кучиты Руслан, Дзекойты Юри, Туаты Руслан, Багаты Эрик æмæ Æгкацаты Юри. Бæрнон нымæрдарæй сæвзæрстой Уырыймæгты Людмилæйы. Газет "Стыр Ныхас"-ы редакторæй фидаргонд æрцыд Гогаты Нателлæ.
Аланты Ныхасы ног структурæ саразыны тыххæй информаци сарæзта Зæгъойты Вячеслав. Сфидар кодтой 2025 азы куысты пълан дæр.
Дзырд ма цыд 2025 азы зындгонд ирон ахуыргæндтæ, фысджытæ Æгъуызаты Иуане, Абайты Васо æмæ Джусойты Нафийы юбилейтæ цытджын æгъдауæй банысан кæныныл дæр.
Æмбырды раныхас кодтой районты Ныхасы сæрдартæ, Аланты Ныхасы комитетты сæрдартæ æмæ уæнгтæ Дзекойты Юри, Махъоты Иринæ, Дзуццаты Валери, Кучиты Руслан, Реуазты Таймураз, Багаты Эрик, Бургалаты Заремæ, Кочиты Георги æмæ æндæртæ.
Аланты Ныхасы Координацион советы 2-аг æрбадты архайдтой Горæтгæрон районы Ныхасы уæнгтæ дæр.
ГАССИТЫ Моисей