Цæгат Ирыстоны Фысджыты цæдисы радон съезд конд æрцыд Гæздæнты Гайтойы номыл республикон библиотекæйы. Боны фæткы уыд иунæг фарста – Фысджыты цæдисы ног сæрдар сæвзарын. Раздæры сæрдар Агънаты Гæстæн йе 'нæниздзинадмæ гæсгæ æмгъуыдæй раздæр æрæвæрдта йæ бартæ.

Фысджыты цæдисы уæнгтæ æмбырды сæвзæрстой президиум æмæ Нымайæн къамис. Цæдисы сæрдары бынатмæ сæ кандидатурæтæ балæвæрдтой Алыккаты Æхсар æмæ Хозиты Барис. Фылдæр хъæлæстæ райста Хозийыфырт æмæ æвзæрст æрцыд Цæгат Ирыстоны фысджыты организацийы разамонæгæй.

Се 'нæниздзинад кæй фæцудыдта, уымæ гæсгæ цæдисы уæнгтæ Хуыгаты Сергей, Цгъойты Хазби æмæ Агънаты Гæстæн сфæлдыстадон организацийы правленийы уæнгтæй цухгонд æрцыдысты. Правленийы ног уæнгтæй сæвзæрстой Скъодтаты Эльбрус, Баситы Зæлинæ æмæ Габолаты Зауырбеджы.

ГАССИТЫ Моисей