Чермены Культурæйы хæдзары уыд хъæуы Ныхасы æмбырд. Уыдысты дзы хъæубæсты адæм, бынæттон администрацийы сæргълæууæг Æгкацаты Белæ, йæ хæдивæг Сланты Игорь, районы Ныхасы сæрдар Дзуццаты Валери, Камбилеевкæйы хъæуы Ныхасы сæрдар Уалыты Маирбег, бынæттон администрацийы кусджытæ. Æвзæрст æрцыд президиум.

Боны фæткы уыдис иунæг фарст: хъæуы Ныхасы уæнгты сæвзарын, советтæ æмæ комитеттæ саразын, ног сæрдар æмæ йæ хæдивæджы сæвзарын.

Ацы фарстайы фæдыл Дзуццаты Валери бамбарын кодта, цæмæй æвзæрстытæ ацæуой Æппæтдунеон æхсæнадон змæлд "Иры Стыр Ныхас"-ы Уставы домæнтæм гæсгæ. Уый тыххæй сæ хъуыдытæ загътой Æгкацаты Белæ, Кокайты Эдик, Калоты Барис æмæ æндæртæ.

Æргом хъæлæсæппæрстмæ гæсгæ æвзæрст æрцыд Черменыхъæуы Ныхасы сконд 15 адæймагæй. Уыдон а æввахс бонты сæ фыццаг рабадты сæвзардзысты Ныхасы сæрдар æмæ йæ хæдивæджы, комитеттæ æмæ советтæ.

Ууыл æмбырд йæ куыст фæцис.

ГАССИТЫ Моисей