Нæ газеты куыд фыстам, афтæмæй ивгъуыд къуыри Дзæуджыхъæуы Цæдисты хæдзары уыд Культурæйы кусджыты æппæтуæрæсеон профцæдисты цæгатирыстойнаг республикон организацийы XXIV хыгъдон-æвзарæн конференци. Дзуаппон доклад дзы скодта культурæйы кусджыты профцæдисты цæгатирыстойнаг республикон организацийы сæрдар Годжиты Еленæ.

Годжиты чызг ацы бынаты кусы фондз азы. Ныр дæр та йæ конференцийы делегаттæ ногæй æмхъæлæсæй сæвзæрстой фондз азы æмгъуыдмæ.

Годжиты Хасанбеджы чызг Еленæ каст фæцис Астраханы паддзахадон консерватори æмæ Мæскуыйы Фæллой æмæ социалон ахастдзинæдты академи. 2005 азæй 2020 азмæ куыста Культурæйы кусджыты æппæтуæрæсеон профцæдисты цæгатирыстойнаг республикон организацийы сæрдары хæдивæгæй, 2020 азæй та – сæрдарæй, æмæ та йæ ныр ногæй сæвзæрстой.

Нæ редакци æмæ бирæнымæцон газеткæсджыты, Горæтгæрон районы культурæйы кусджыты номæй арфæ кæнæм Еленæйæн. Йæ куысты йын уæд ног æнтыстытæ!

ГАССИТЫ Моисей