Сабаты, 21-æм апрелы республикæйы цы сыгъдæгдзинады бон ацыд, уым архайдтой нæ районы фæллойгæнджытæ дæр, ахуырдзау фæсивæд, уыдонимæ - Камбилеевкæйы 1-æм астæуккаг скъолайы ахуыргæнинæгтæ дæр. Сæ иутæ куыстой скъолайы кæрт æмæ фæзуат, йæ алывæрстæ ныссыгъдæг кæныныл, иннæтæ та æфснайдтой хъæуы сæйраг – Кучийы-фырты номыл уынг.
10-æм «б» æмæ «в» кълæсты ахуыргæнинæгтæ сæ къласты разамонджытæ - Хъæлыцты Фатимæ æмæ Дзанайты Ольгæимæ сахуырстой Кучийы-фырты номыл уынджы æмæ тротуарты бордюртæ (къамы), ныссыгъдæг кодтой фæндаг æмæ йæ алывæрстæ, бакодтой ма сыгъдæгдзинады æндæр куыстытæ дæр.
ГАССИТЫ Моисей.
Авторы ист къам.